Йæ автор у Цæгат Ирыстоны национ инструментты оркестры дирижер æмæ разамонæг Ходы Олег
Республикæйы культурæйы министрады ацыд, дала-фæндырыл цæгъдынæй ног чиныджы презентаци. Йæ автор у Цæгат Ирыстоны национ инструментты оркестры дирижер æмæ разамонæг Ходы Олег. Симд, хонгæ, æмæ æндæр ирон мелодитæ. Традицион музыкæйы æмбырдгондмæ хаст æрцыдысты 10-гай композицитæ. Музыкалон æрмæг æппæты фыццаг ахадгæ у райдайгæ музыканттæн. Уый у ирон инструментыл цæгъдынæй фыццаг рауагъд. Раздæр, цалынмæ фæндыр нæ фæзынди, уæдмæ нæ фыдæлтæ хъазтизæрты æмæ бæрæгбæтты пайда кодтой дала – фæндырæй. Фæлæ хъыгагæн, рæстæджы цыдимæ, куыд бирæ æндæр инструменттæ рохуаты баззад. Ходы Оледжы методикон фæллæйтты фæрцы рохгонд музыкæйы зæлтæ сног кæнæн уыдзæни бирæ æнцондæр.
