Студенттæ, фæсивæд, æхсæнадон организациты минæвæрттæ æмæ волонтертæ æххæст кæнынц сæ размæ вæрд хæстæ
Республикæйы кусынц, Донецкæй æмæ Луганскæй эвакуаци цы адæмы скодтой, уыдонæн гуманитарон æххуыс бакæныны пункттæ. Дон, ссад, консервтæ, химæ зилæнтæ æмæ хъарм уæлæдарæс. Афтæмæй се ххуысы хай хæссынц, абон зын уавæры чи бахауди, уыцы фæкæсынхъуаг адæмæн. Центртæ куыд кусынц æмæ волонтертæ куыд архайынц, уый тыххæй бæстондæр радзурдзæн Касаты Наирæ.
Гуманитарон æххуыс æмбырд кæныны пункты райсомæй фæстæмæ куыстытæ цæуынц æнæрлæугæйæ. Студенттæ, фæсивæд, æхсæнадон организациты минæвæрттæ æмæ волонтертæ æххæст кæнынц сæ размæ вæрд хæстæ. Уыдон æппæты фыццæгтимæ се ххуысы хай бахастой æппæтуæрæсеон акци «Мы вместе»-йы сидтмæ
Æрлидзæг адæмæн æххуыс кæныны программæ æххæстгонд цæуы республикæйы фæсивæды галуаны бындурыл. Гуманитарон æххуысы пунк байгом кæнынмæ йе вæрæн бахаста адæмон фронт дæр.
Æппæты фыццаг радхæссæг къордтæ сбæрæг кæнынц, продуктты хæрзхъæддзинад. Раст зæгъгæйæ бирæ не сты. Адæм фылдæр хæссынц, сывæллонмæ базилынæн цы хъæуы, уый, хъарм уæлæдарæс.
Гуманитарон æххуысы пунктты абон хъæуы волонтерты æмархайд. Комплекттæ æмбырд кæныны, продукттæ æвзарыны мадзæлттæн хъæуы рæстæг æмæ адæм. Четойты Руслан у æнтыстджын амалхъом адæймаг. Йæ хъуыдымæ гæсгæ цыфæнды бизнесæн дæр ис адæймаджы æууæлтæ. Æнæмæнг хъæугæ фæрæзтæй баххуыс кодта, абон тыхст уавæры чи ис, уыцы адæмæн.
Дзæуджыхъæуы 38-æм скъола. 1700 ахуырдзауы. Гуманитарон æххуыс сæмбырд кæнын дзы куыддæр расидтысты, афтæ рæзгæ фæлтæр бахастой се ххуыс.
Алан æмæ Маргаритæ Зассеты бинонты сты хистæр сывæллæттæ. Зын сахат фæкæсынхъуаг адæймагæн баххуыс кæнын нымайынц сæ фыццаг хæсыл. Бинонтæн у традици. Луганскæй æмæ Донецкæй се мгæрттæн баххуыс кæныныл архайынц зæрдиагæй.
Ацы хъуыддаджы æххуыс кæнынц ныййарджытæ æмæ æхсæнад дæр. Хæссынц кæмæн цы йæ бон у, уый. Фылдæр æргом дзы здæхт цæуы сабитæн дзаума æмæ хæринагмæ.
Уæлæдарæс хойраджы продукттæ æмæ зæрдæхæлардзинад. Сæйрагдæр та дуне сабыр кæй уыдзæн, ууыл уырнынад.
