филиал вгтрк государственная телерадиовещательная компания “Алания”

Республикæйы музыкалон скъолаты курдиатджын сывæллæттæн арæзт цæуынц дæсныйадæвдисæг ахуыртæ. Уазæгуаты сæм цæуынц зындгонд дирижертæ, композитортæ, аивады кусджытæ. Республикæйы аивæдты лицеймæ уазæгуаты æрбацыдысты культурæйы министр Къубалты Эльбрус æмæ пианист, Уæрæсейы композиторты Цæдисы секретарь, Хетæгкаты Къостайы номыл премийы 3-хатты лауреат, Уæрæсейы Федерацийы аивæдты сгуыхт архайæг Махъоты Ацæмæз. Чысыл музыканттæн радзырдтой, куыд ахсджиаг у ахуырад, стæй кæй хъæуы аивæдты хи фæндаг ссарын æмæ йыл уæндон къахдзæфтæ акæнын. Уыимæ сын дæнцæгæн æрхастой хи фæлтæрддзинад. Фембæлды кæронбæттæн сывæллæттæ байхъуыстой Махъоты Ацæмæзы музыкалон уацмыстæм.