Уый арæзт цæуы чиныгкæсæджы `нцойдзинадæн. Ома йæ бон у, цавæр чиныг æй хъæуы, уый сæрмагонд приложенимæ гæсгæ ссарын æмæ бакæсын.
Нырыккон цардимæ æмдзу. Республикæйы национ наукон библиотекæйы чингуытæ хæссынц нымæцон хуызмæ. Уый арæзт цæуы чиныгкæсæджы `нцойдзинадæн. Ома йæ бон у, цавæр чиныг æй хъæуы, уый сæрмагонд приложенимæ гæсгæ ссарын æмæ бакæсын. Уыимæ ма афтæмæй хъахъхъæд цæуынц чингуытæ сæхæдæг дæр, уæлдайдæр та, стæм чи у, уыдон.
Нæ республикæйы национ наукон библиотекæйы райдыдтой чингуытæ электрон хуызмæ ивын. Ацы ахсджиаг хъуыддагыл райдыдтой кусын æртæ азы размæ. Зæронд æмæ ныртæккæ зын ссарæн цы чингуытæ сты, уыдон иууылдæр тагъд уæ бон фенæн уыдзæн национ библиотекæйы сæрмагонд сайтыл.
Оцифровкæ кæй хонынц, уый у электрон хуыз. Цæмæй чиныг уыцы хуызмæ раивай, уый тыххæй хъæуы сæрмагонд мигæнæнтæ. Уыцы аппаратурæйы цы сканер ис, уый фæрцы чиныг арвитынц архивмæ. Уый фæстæ та йыл профессионалон программæмæ гæсгæ бакусынц, æмæ йæ цæттæйæ арвитынц сайтмæ.
Национ библиотекæйыл ныртæккæ бæстонæй архайынц, цæмæй дзы алы кары адæймагæн дæр фадат уа цымыдисаг æрмæг фенын, æмæ дзы уыйадыл раст спайда кæнын. Электрон хуызы чингуытæ та фæзындзысты чысыл фæстæдæр. Кусджытæ нын зæрдæ бавæрдтой, нæ бон сæ уыдзæн фенын сентябры.
