Уымæй дарддæр стыр æргом аздæхтой промышленнон рæзтмæ туризмы, ахуырады, спорты æмæ культурæйы къабæзты
Хицауады Сæрдар Дзанайты Барисы разамындæй арæзт æрцыд сæрмагонд æмбырд, æмæ дзы ныхас цыд, нæ республикæйы национ проекттæ æмæ паддзахадон программæтæ куыд æххæстгонд цæуынц, ууыл. Уымæй дарддæр стыр æргом аздæхтой промышленнон рæзтмæ туризмы, ахуырады, спорты æмæ культурæйы къабæзты. Паддзахадон программæтæ царды куыд уадзынц, уый тыххæй бæстон доклад скодта экономикон рæзты министр Кучиты Зауыр. Уый се ппæты зæрдыл æрлæууын кодта, 2023-æм азмæ кæй бацæттæ кодтой курдиæттæ хицаудзинады федералон оргæнтæм. Хаст сæм æрцыдысты социалон æмæ инженерон инфраструктурæйы объекттæ. Премьер æххæстгæнæн хицаудзинады оргæнты разамонджытæн бабар кодта объектты тыххæй актуалон информаци сæмбырд кæнын. Уымæй дарддæр хъæуы бакусын 2024-æм азы бюджетон курдиæтты пъланыл. Дзанайты Барис ма районты сæргълæуджыты ргом аздæхта сæ территориты социалон объектты арæзтадмæ. Зæгъæм, Алагиры районы ныртæккæ асфальт фæндаг æвæрынц Уæллаг Бирæгъзæнджы дзæбæхгæнæн центрмæ. Алагиры та цалцæггонд цæуы бынæттон Парк. Беслæны генералон пъланмæ гæсгæ аивгонд цæуы фæндаггон инфраструктурæ. Уыцы нысантæн радих кодтой 240 милуан сомы. Алы ног объект дæр республикæйы рæзтæн у ахадгæ. Уымæ гæсгæ ахсджиаг у профилон федералон ведомствотимæ æнгом æмгуыстад кæнын, – загъта Хицауады Сæрдар.
