Райгуырд Хуссар Ирыстоны Ленингоры районы хъæу Амдзарины
Республикæйы нывгæнджыты Цæдисы залты та байгом Хуссар Ирыстоны нывгæнæг-график Быценты Дзерассæйы куыстыты равдыст Дзерассæйæн йæ фæсном у Гуло. Райгуырд Хуссар Ирыстоны Ленингоры районы хъæу Амдзарины. Нывкæнынады дæсныйад та райста Дзæуджыхъæуы аивадон училищæйы. Йæ разамонæг уыд зындгонд ирыстойнаг график Цогойты Эльбрус. Мастеры куыстытæ конд сты фантастикон стилы. Йе сфæлдыстады стыр бынат ахсынц Нарты кадджытæ. Сæйрагдæр нывгæнæг йæ алы куысты дæр æвдисы уарзондзинады æмæ сылгоймаджы рæсугъддзинады темæ. Критикты хъуыдымæ гæсгæ, Дзерассæйы нывты цы хуызтæ вæййынц, уыдон аивадуарзджыты æфтауынц дисы. Ацы равдыстмæ хаст æрцыдысты нывгæнæджы 60 куысты. Се хсæн бæрæг дарынц «Вдохновение», «Звездная ночь», «Ангел в Эдемском саду», «Покаяние» æмæ афтæ дарддæр. Экспозици фенæн уыдзæн 20-æм сентябры онг.
