филиал вгтрк государственная телерадиовещательная компания “Алания”

Республикæйы онкодиспансеры фæзындзæн компьютерон томографийы нырыккон аппарат. Уый фадат ратдзæн низы фыццаг къæпхæнты диагностикæйы гæнæнтæ фæуæрæхдæр кæнынæн, æмæ рынчыны сдзæбæх кæнынмæ бæстондæр цæстдарынæн, – фехъусын кодта Сергей Меняйло. Ног аппараты фæрцы дохтыртæ исдзысты буары хæйтты лæмбынæг функционалон хуызистытæ. Афтæмæй та сын æнцондæр уыдзæн дзæбæх кæныны мадзæлттæ фæахадгæдæр кæнын. Республикæйы Сæргълæууæг ма бафиппайдта, национ проект «Дæргъвæтин æмæ активон цард» æххæст кæнгæйæ, нæ регионы цæуы стыр куыст медицинон лæггæдты хæрзхъæддзинад фæхуыздæр кæнынæн.