Ахæм акциты фæрцы фадат вæййы низ рагацау раиртасынæн æмæ дзæбæхгæнæн мадзæлттæ афоныл райдайынæ
Республикæйы онкологон диспансеры арæзт æрцыд гом дуæртты бон. Ахæм акциты фæрцы фадат вæййы низ рагацау раиртасынæн æмæ дзæбæхгæнæн мадзæлттæ афоныл райдайынæн. Онкологтæ адæмæн æркаст скодтой лæвар. Уымæй дарддæр ма – диагностикон процедурæтæ дæр. Специалисттæ зæгъынц, сæ сæйраг нысан у – республикæйы цæрджытæн низы ныхмæ профилактикæйы æмæ дзæбæх кæныны мадзæлтты тыххæй фехъусын кæнын. Бæлвырддæр хабæрттæ радзурдзæн Томайты Батраз.
Быгъуылты Мæдинæ рады лæууы УЗИ иртæстытæ скæнынмæ. Сылгоймаджы бафæндыд ахæм хорз фадатæй спайда кæнын, æмæ специалисттæй консультацитæ райсын. Мадинæ куыд радзырдта, афтæмæй йын тæссаг уыди алы кабинетмæ дæр цæуын, фæлæ йæ мбары, тæссаг низ рагацау раиртасынæй хуыздæр ницы ис. Афтæмæй йæ ныхмæ тох кæнынæн бирæ фылдæр фадæттæ ис.
Дохтырты ныхæстæм гæсгæ, гом дуæртты боны фæрцы цалдæр адæймагæн бантысдзæн рагацау баххуыс кæнын. Раиртæстой сæм тæссаг къуыбæрттæ. Ныр ацы пациенттæм æркæсдзысты бæстондæр æмæ сын скæндзысты бæлвырд иртæстытæ.
Ахæм акцитæ республикæйы арæзт цæуынц 5-æм аз фæд-фæдыл. Ацы хатт дзы бацархайдтой 150 адæймаджы. Онкологтæ адæмæн æркаст кæнынц лæвар. Тестытæ скæныны фадат ис алкæмæн дæр. Уымæй дарддæр ма ис диагностикон процедурæтæ скæнын дæр. Ома УЗИ æмæ рентген скæнын, стæй туг раттын. Специалисттæ зæгъынц, афæдзæй-афæдзмæ фылдæр кæны, кæй раиртасынц, ахæм рынчын адæмы нымæц. Уымæ гæсгæ акциты сæйраг нысан у – республикæйы цæрджытæн фехъусын кæнын онкологийы тыххæй, стæй йæ ныхмæ профилактикæйы æмæ дзæбæх кæныны мадзæлтты тыххæй.
Профилактикон мадзал баст уыд онкологон низты ныхмæ тох кæнынын бонимæ. Снысан æй кодта ацы низы ныхмæ арæзт æппæтадæмон цæдис.
