«Иугон Уæрæсе»-йы минæвæрттæ мониторинг скодтой цыппар социалон объектæн
Республикæйы парламентæн кусæг балц уыди Алагиры районмæ. «Иугон Уæрæсе»-йы минæвæрттæ мониторинг скодтой цыппар социалон объектæн. Бæрæггæнæн мадзæлттæ райдыдтой Советон Цæдисы рæстæгæй æрдæгарæзтæй чи баззад, уыцы объектæй. Æвæгæсæгæй бирæ азты чи лæууы, уыцы арæзтады тыххæй бынæттон цæрджытæ сæ хъаст хæссынц алы рæттæм. Дарддæр Цæгат Ирыстонæй Федерацийы Советы уæнг Виталий Назаренкоимæ депутаттæ æркастысты скъола – интернаты уавæрмæ, бабæрæг кодтой амбулатори, стæй 3-æм скъолайы хъазæн фæз. Æппæт фиппаинæгтыл бакусдзысты иумæйаг хъарутæй. Хæстæгдæр рæстæг фракцийы минæвæрттæ агурдзысты социалон объектты æркæсинаг фарстатæ алыг кæнынæн гæнæнтæ, уыимæ, адæмы фæндонтæ хынцгæйæ.
