21 июня 2022, 11:54
Республикæйы парламенты 7-æм сконды депутатты, стæй бынæттон хиуынаффæйады оргæнтæм æвзæрстытæ уыдзысты 11-æм сентябры
Уый тыххæй фехъусын кодтой Цæгат Ирыстоны сæйраг æвзарæн къамисы
Республикæйы парламенты 7-æм сконды депутатты, стæй бынæттон хиуынаффæйады оргæнтæм æвзæрстытæ уыдзысты 11-æм сентябры, хъæлæс кæныны иумæйаг боны. Уый тыххæй фехъусын кодтой Цæгат Ирыстоны сæйраг æвзарæн къамисы. Парламенты хыгъды уыдзæн 70 депутаты. Фидаргонд уынаффæтæ бæлвырд кæнынц æвзарæн кампанитæ цæттæ кæныны æмæ аразыны фæтк. Уæрæсейы 21 партийы æмбырд кæндзысты къухфыстытæ. 7 партийы ацы хъуыддагæй суæгъд кодтой. Цæмæй парти республикæйы Парламентмæ бахауа, уый тыххæй хъуамæ æрæмбырд кæна æппынкъаддæр хъæлæсты 5 проценты.
темæмæ гæсгæ
