Уыимæ ахуырадон къласы бæсты дæсныйады бындуртæ базонынц профилон куыстуаты
Республикæйы профессионалон училищæты студенттæ сæ фидæны дæсныйадимæ зонгæ кæнынц практикон æгъдауæй. Уыимæ ахуырадон къласы бæсты дæсныйады бындуртæ базонынц профилон куыстуаты. Цæгат Ирыстоны сæ нымæц схæццæ цыппормæ. Æмæ сæ алкæцыдæр цæттæ у фидæны специалисттæн сæ дуæрттæ байгом кæнынмæ. Бæлвырддæр радзурдзæн Фидараты Маринæ.
Машинæйы мидæггаг арæзтмæ Уртаты Эльбрус сахатгай фæкæсы. Хæрзчысыл саби ма куы уыди, уæд дæр уарзта йæ фыдимæ гаражы уæвын. Куыд хистæр кодта, афтæ автомеханикы дæсныйад сси йæ бæллиц. Фæлæ йæ цæмæй сæххæст кæнай, уый тыххæй æрмæст теори зонын фаг нæу, зæгъы æрыгон адæймаг. Ахуырадон практикæйы рæстæг уарзы нæ бæстæйы конд машинæтæ цалцæг кæнын.
Дæсныйады сусæгдзинæдтæ базоныны фадат, уыимæ фæлтæрдджын специалистты цæстдардмæ гæсгæ, Уртаты Эльбрусæн æмæ йе мкурсон Халидбек Бисултановæн фæзынд сæрмагонд программæйы фæрцы. Кусы 2017-æм азæй фæстæмæ. Ацы ахуырады хуызы фæрцы техникон училищæты студенттæ равдисынц хорз бæрæггæнæнтæ, æмæ практикæ ацæуынц республикæйы куыстуæтты. Ахуыргæнджытæ зæгъынц, уый цымыдисдзинад гуырын кæны иннæ студенттæм дæр.
Фидæны автомеханиктæн æмæ электриктæн республикæйы æппæт астæуккаг ахуыргæнæндæттæй сæ дуæрттæ байгом кæнынц 40 куыстуаты. Ахуыры фæстæ та сын фадат вæййы куысты бынаты ныллæууынæн. Уый хорзыл нымайынц куыстуæтты разамонджытæ дæр.
Техникон дæсныйæдтæ домынц хорз практикон зонындзинæдтæ. Уымæ гæсгæ фидæны æппæт куыстуæтты нысан кæнынц лабораторитæ æмæ кафедрæтæ байгом кæнын.
