филиал вгтрк государственная телерадиовещательная компания “Алания”

Цæмæй, рагæй кæмæ бæллыдтæ, уыцы хъуыддаг дæ къухы бафта, уый тыххæй алы хатт бирæ æхцатæ нæ фæхъæуы. Республикæйы райдайгæ амалхъом адæмæн фадат ис паддзахадæй æххуыс райсынæн. Уый тыххæй та хъæуы социалон контракттæ бафыссын. Уыцы фадатæй спайда кодта Баскаты Батраз. нырæй фæстæмæ у амалхъом адæймаг.  Кредит райсгæйæ, райдыдта къозотæ зайын кæныны куыст. Сæрмагонд программæ «Мæгуырдзинадимæ тох» æххæст кæнгæйæ, бафыста контракт. Хæстæгдæр рæстæг Батраз райсдзæн 250 мин сомы, йæхи хъуыддаг байгом кæнынæн. Æдæппæтæй та Æрыдоны районы ахæм курдиæттæ балæвæрдтой  мин адæймагæй фылдæр. Алы бон дæр уыцы нымæц рæзы. Программæйы разамонджытæ æххуыс кæнынц æппæт архайджытæн дæр.