Ацы хæдбындурон фæзы кæрæдзийы культурæимæ базонгæ уæвыны нысанимæ баиу уыдзысты 300 архайæгæй фылдæр Уæрæсейы алы регионтæй
Республикæйы райдыдта национ культурæты æппæтадæмон фестиваль «Алтын Майдан». «Алтын Майдан» тæтæйраг æвзагæй ратæлмацгæнгæйæ нысан кæны «сыгъзæрин фæз». Фестивалы ном æвдисы мадзалы арф хъуыды. Ацы хæдбындурон фæзы кæрæдзийы культурæимæ базонгæ уæвыны нысанимæ баиу уыдзысты 300 архайæгæй фылдæр Уæрæсейы алы регионтæй. «Алтын Майданæн» бындур æвæрд æрцыд Татарстаны 13 азы размæ. Йæ хæс у Уæрæсейы адæмыхæттыты фольклор æмæ традицитимæ базонгæ уæвын хореографион фольклорон æмæ этникон постановкæты фæрцы. Уырыссаг адæмон зарджытæ, ирон æмæ тæтæйраг кæфтытæ, национ инструменттыл цагъд. Аивадуарзджытæ алы архайæджы райгуырæн зæххы истори дæр банкъарынц йæ аивады фæрцы. Фестивалы географи азæй-азмæ кæны парахатдæр. Æрвылаз Уæрæсейы горæттæ кæрæдзийы ивынц.
