Рейды рæстæг фæндæгтыл æдасæй цæуыны паддзахадон автоинспекцийы кусджытæ уæлдай æргом здахынц фистæгæйцæуджытæм
Республикæйы райдыдта профилактикон мадзал «Внимание – пешеход». Рейды рæстæг фæндæгтыл æдасæй цæуыны паддзахадон автоинспекцийы кусджытæ уæлдай æргом здахынц фистæгæйцæуджытæм. Бæлвырддæр та, фæндаджы сæрты, кæм не мбæлы, ахæм рæтты чи хизы, стæй светофоры сигналмæ чи нæ кæсы, уыдонмæ. Уæдæ фæтк чи халы, уыцы шофыртæ дæр æфхæрд æййафынц. Паддзахадон автоинспектортæ рад хæссынц, æппæтæй фылдæр фæндаггон змæлд кæм ис, уыцы бынæтты. Паддзахадон автоинспекци сиды шофыртæм æмæ фистæгæйцæуджытæм дæр, цæмæй изæрыгон пайда кæной рухс здахæн элементтæй. Уыимæ ма адæмы зæрдыл лæууын кæнынц – фæндаджы сæрты хизын хъæуы сæрмагонд бынæтты, æмæ къæрцъхъус уæвын хъæуы кæддæриддæр. Машинæты хицæуттæ та хъуамæ сæ зæрдыл дарой, фистæгæйцæуджытæн фæндаг куы нæ дæттой, уæд æййафдзысты административон æфхæрд. Ома ивар фиддзысты мин æмæ 500 сомæй – 2 мины æмæ фондз сæдæ сомы онг.
