Фарон проект сæххæст кæнынæн федералон бюджетæй дихгонд æрцыди 200 милуан сомы
Республикæйы райдыта, национ проект «Горæты тыгъдад æмæ цæрæнуæтты» фæлгæты æхсæнадон территоритæ аив кæныны онлайн-хъæлæс кæныны процедурæ. Фарон проект сæххæст кæнынæн федералон бюджетæй дихгонд æрцыди 200 милуан сомы. Ацы аз нысантæм гæсгæ дæр ыл хардзгонд æрцæудзæн уый бæрц фæрæзтæ. Республикæйы хай дзы у гыццыл. Алкæмæн дæр ис йæ хъуыдытæ æмæ фæндонтæ паддзахадон лæггæдты сайтмæ бахæссын, стæй мобилон фæрæзтæй схъæлæс кæнын фадат. 30-æм майы онг сæ хъæппæристæ бахæссын сæ бон у, 14 азæй фылдæр кæуыл цæуы, ахæм адæмæн. Бæрæггонд куыд у, афтæмæй ацы аз Мæздæджы, Рахизфарсы æмæ Горæтгæрон районтæ нæ равæрдтой сæ объекттæ фæрæзтæ сын кæй нæ фаг кодта, уый тыххæй, фæлæ уыцы районты цæрджытæн сæ бон у, Дзæуджыхъæуы объекттыл схъæлæс кæнын. Æдæппæтæй схъæлæс кæнæн ис 76 объектыл. Уыдонæй æвзæрст æрцæудзысты 32 æхсæнадон фæзы. Базилдзысты сæм иннæ аз.
