Сектор æнтысджын къахдзæфтæ кæны æмæ ахадгæ бынат ахсы регионалон экономикæйы
Республикæйы рог промышленность фарон бакуыста миллиард сомæй фылдæр. Сектор æнтысджын къахдзæфтæ кæны æмæ ахадгæ бынат ахсы регионалон экономикæйы. Уый тыххæй йæ телеграм-каналы фехъусын кодта Цæгат Ирыстоны сæргълæууæг Сергей Меняйло. Æрмæст ацы азы фыццаг 6 мæймæ республикæйы фæзынд чысыл æмæ астæуккаг бизнесы 10 ног куыстуаты. Нæ амалхъом адæм ахсынц, фæсарæйнаг компаниты ацыды фæстæ цы къабæзтæ суæгъд сты, уыдон. Аразынц ног куысты бынæттæ, фидар кæнынц нырыккон промышленнон экосистемæ. Цæмæй амалхъом адæм размæ цæуой, уый тыххæй сæ бон у спайда кæнын паддзахадон æххуысæй национ проект «Ахадгæ æмæ ерысхъом экономикæ»-мæ гæсгæ. Республикæйы экономикон рæзты министрады цур центр «Мой бизнес»-ы ис консультаци райсын, æмæ проект царды рауадзынæн æххуыс алы къæпхæнтыл исын.
