27 июня 2024, 11:47
Республикæйы Сæргълæууæджы хæслæвæрдтæ куыд æххæстгонд цæуынц, ууыл ныхас цыди, Дзанайты Барис цы æмбырд сарæзта, уым
Сергей Меняйло йæ хæслæвæрдтæ фехъусын кодта 23-æм майы, республикæйы социалон-экономикон къабазы рæзты фæдыл æрвылазон доклады фæлгæты. Хицауады уæнгтæ æрдзырдтой 2030-æм азы онг хицæн къабæзты рæзты стратегийыл. Премьер уæлдай æргом аздæхта ахуырадмæ, æнæниздзинадхъахъхъæнынадмæ, хъæууон хæдзарадмæ, фæндаггон – транспортон системæмæ, цæрæнуæтты арæзтадмæ æмæ туризммæ. Фарстаты хицæн блок баст уыди промышленносты райрæзтимæ. Промышленносты министрады хæстæгдæр рæстæг хъæуы ацы къабазы гæнæнтæ фæуæрæхдæр кæнынæн концепци бавдисын, стæй стыр фидæн кæмæн ис, ахæм проекттæм инвестицитæ чи хæссы, уыцы бизнестæн æххуыс кæнынæн сæрмагонд мадзæлтты пъланыл бакусын.
