Ацы хæс Сергей Меняйло радта вице-премьер Икъаты Русланбегæн, исбоны министр Тедеты Русланæн æмæ Дзæуджыхъæуы администрацийы сæргълæууæг Милдзыхты Вячеславæн
Республикæйы сæргълæууæг бадомдта, бырæттæ кæм æмбырд кæнынц, ахæм æдзæллаг зæххы хæйтты хицæуттæй дзуапп агурын. Ацы хæс Сергей Меняйло радта вице-премьер Икъаты Русланбегæн, исбоны министр Тедеты Русланæн æмæ Дзæуджыхъæуы администрацийы сæргълæууæг Милдзыхты Вячеславæн. Санитарон мадзæлттæ æххæстгæнгæйæ ивгъуыд къуырийы республикæйы бафснайдтой 8 сæдæ тонны бырæттæ. Аппаратон æмбырды ныхас цыди Цæгат Ирыстоны фæндæгты уавæрыл дæр. Арæнты сæрты ахизынмæ ныртæккæ электрон рады лæууы 2900 машинæйы, сæрмагонд æрлæууæнты ис 1740 уæзласæн машинæйы. Уымæй уæлдай, республикæйы сæргълæууæг горæты администрацийы ргом аздæхта бæлæстæ лыг кæныны хъуыддагмæ. Бахаста фæндон, «Зеленстрой»-йы бæрны æхсæнадон совет скæнын. Бæлæстæ калд цæудзысты уыдоны цæстдардæй, дендрологтимæ иумæ бакусдзысты бæлæстæ бахсæдынæн сæрмагонд фæткыл. Социалон хызты парахат кæндзысты цъæх фæлыстæй цы территоритæ аивгонд цæудзысты, уый тыххæй информаци. Аппаратон æмбырды ма ныхас цыди Цæгат Ирыстоны хъармгæнæн системæйыл дæр. Сергей Меняйло профилон ведомствæйæн бахæс кодта, цæмæй цæттæ кæнын райдайой иннæ ног хъармгæнæн сезонмæ, уыимæ, хынцын хъæуы ацы азы фиппаинæгтæ.
