Хæххон хъæуы ацы объектæн бындур æвæрд æрцыди 1953-æм азы. Ам æнтыстджынæй цыдысты театралон равдыстытæ, се сфæлдыстад дзы æвдыстой бирæ аивадон къордтæ.
Республикæйы Сæргълæууæг Битарты Вячеслав бæбарæг кодта æмæ аргъ скодта Мызуры культурæйы Хæдзары цалцæггæнæн куыстытæн.
Хæххон хъæуы ацы объектæн бындур æвæрд æрцыди 1953-æм азы. Ам æнтыстджынæй цыдысты театралон равдыстытæ, се сфæлдыстад дзы æвдыстой бирæ аивадон къордтæ. Куыд фæстæмæ, афтæ бæстыхай заууатмæ æрцыди. Ныр, республикæйы разамынды æмæ бынæттон администрацийы цур ис хæс æвæрд, ацы социалон объект сног кæнын, æмæ йын дыккаг цард радтын. Ацы фарстайыл куыст цæуы национ проект «Культура» æххæстгæнгæйæ, æмæ йын дихгонд æрцыди 7 милуан сомы. Битарты Вячеслав ма æркасти Алагиры районы хæххон хайы цæрджыты медицинон лæггæдты хæрзхъæддзинадмæ. Республикæйы разамонæджы базонын фæндыд, амбулатори хостæй куыд ифтонггонд у, уый. Медицинон куыстуаты ис хирург, стоматолог, педиатр æмæ участокыл кусæг дохтыр. Ис дзы физиотерапийы кабинет, стæй флюро æмæ экг-аппараттæ. Мызурмæ кусæг балц ахицæн спортивон залæй. Ам конд æрцыди бындурон цалцæг, фæрæзтæ та сын радтой, Кавказы адæмты культурæ æмæ спорты фестивалы куы фæуæлахиз сты, уæд. Бынæттон фæсивæдмæ ма ис бæллиц, спортивон залы цур цы кæлæддзаг бæстыхай ис, уымæ базилын, цæмæй дзы боксæй архайой, уый тыххæй. Битарты Вячеслав сын зæрдæ бавæрдта, æппæт хъæугæ цалцæггæнæн æрмæджытæй, стæй ног рингæй.
