Бæстон æрныхас кодтой муниципалон сконды социалон-экономикон рæзтыл. Хицæн ныхас цыд, республикæйы разамонæг Змейкæйы цæрджытимæ фембæлды цы амындтытæ радта, уыдоныл.
Республикæйы сæргълæууæг Битарты Вячеславæн кусæг фембæлд уыд Кировы районы сæргълæууæг Нæкуысаты Барисимæ. Бæстон æрныхас кодтой муниципалон сконды социалон-экономикон рæзтыл. Хицæн ныхас цыд, республикæйы разамонæг Змейкæйы цæрджытимæ фембæлды цы амындтытæ радта, уыдоныл. Битарты Вячеслав загъта, ахсджиаг кæй у бынæттон цæрджыты домæнтæ хынцын. Стыр æргом аздæхтой фæззыгон-зымæгон сезонмæ цæттæ кæнынмæ. Нæкуысаты Барис куыд радзырдта, афтæмæй районы сбæлвырд кодтой куысты мадзæлтты пълан. Уый фадат ратдзæн цæрæнуæтты-коммуналон хæдзарады, стæй артаджы æмæ энергетикæйы комплексы объекттæ хъармгæнæн сезонмæ афоныл бацæттæ кæнынæн. Ныры онг уал сног кодтой дондзæуæн хызты 5 километры, иу доны цъас, стæй канализацион хызты иу километр. Национ проекттыл дзургæйæ та фæбæрæг кодтой, проект «Экологи» æххæст кæнгæйæ, Кировы районы кæй нысан кæнынц дондзæуæнтæ баивын. Уый фадат ратдзæн нуазыны доны хæрзхъæддзинад фæхуыздæр кæнынæн. Национ проект «Культура»-мæ гæсгæ та 2020-æм азы нысан кæнынц культурæйы хæдзæрттæ саразын Ираны, Ставд-Дурты æмæ Елхоты. Бындуронæй йæ сцалцæг кæндзысты Даргъ-Къохы дæр. Ныхас цыд æндæр ахсджиаг фарстатыл дæр.
