Баст уыд, сгарæн бригад «Терк»-æн хъазахъхъаг тырыса раттынимæ
Республикæйы Сæргълæууæг Сергей Меняйло архайдта кадджын æмбырды Пятигорскы. Баст уыд, сгарæн бригад «Терк»-æн хъазахъхъаг тырыса раттынимæ. Бафыста Уæрæсейы президент Владимир Путин. Мадзал арæзт æрцыд Пятигорскы музейон-равдыстадон комплекс «Моя страна. Моя Россия»-йы. Æфсæддон тырыса Уæрæсейы Президенты арфæтимæ хъазахъхъаг бригадæн радта Президенты æххæстбарджын минæвар Цæгат Кавказы федералон зылды Юрий Чайка. Æфсæддон намысы символ райста хъазахъхъаг сгарæн бригад «Терчы» командæгæнæг Михаил Гаджиев. Æдзард хæстонты рухс нæмттæ æрымысыдысты, минут æдзæмæй алæугæйæ. Кадджын æмбырды кæронбæттæны Юрий Чайка регионты сæргълæуджытимæ æмæ тыхы структурæты минæвæрттимæ фембæлд «Терчы» æфсæддонтимæ. Уыдон æмбырдмæ æрбацыдысты тохы быдырæй. Радзырдтой, сæрмагонд æфсæддон операцийы сæ хæстæ куыд æххæст кæнынц, уый тыххæй. Арфæйы ныхæстæ сын загъта Цæгат Ирыстоны Сæргълæууæг Сергей Меняйло. Бригад æфсæддон тырыса кæй райста, уый стыр кады нысан у. Уæрæсейы бирæнацион адæм иу æмæ дыууæ хатты не вдыстой сæ иудзинад æмæ хъæбатырдзинад. Ныртæккæ тохы быдыры хæстонтæ иумæ тырнынц нæ уæлахизмæ. Дæнцæгæн æрхаста ахсджиаг цау – ирон хæстон райтса фæсномыг -«Русский», уырыссаг лæппу та йæхи схуыдта «Ирон». Уый у ирд дæнцæг нæ адæмы иудзинадæн, – загъта Сергей Меняйло.
