Дзырдтой, горæты райрæзты иумæйаг проекттæ æмæ льготæтæм гæсгæ ипотекæйы программæтæ æххæст кæныныл
Республикæйы сæргълæууæг Сергей Меняйло Мæскуыйы фембæлд паддзахадон компани «ДОМ.РФ»-ы генералон директор Виталий Муткоимæ. Дзырдтой, горæты райрæзты иумæйаг проекттæ æмæ льготæтæм гæсгæ ипотекæйы программæтæ æххæст кæныныл. Регионы разамонæг куыд загъта, афтæмæй Дзæуджыхъæуы мастер-пълан ратдзæн, комплексон райрæзты къабазтæ снысан кæныны фадат. Сæрмагондæй, уый хауы ног микрорайонтæ аразынмæ. Горæты мастер-пъланыл бакусын бахæс кодта президент Владимир Путин. Виталий Мутко зæрдæ бавæрдта, специалисттæ кæй æркæсдзысты Дзæуджыхъæуы администрацийы техникон хæслæвæрдмæ æмæ бакусдзысты æмархайды фарстатыл. Æрдзырдтой ма регионы ахадгæ архайды тыххæй «ДОМ.РФ»-ы се *ппæт проектты дæр. Уый тыххæй хъусын кæны республикæйы сæргълæууæджы æмæ Хицауады пресс-службæ.
