филиал вгтрк государственная телерадиовещательная компания “Алания”

Республикæйы сæргълæууæг Сергей Меняйло  Цæгат Ирыстоны паддзахадон хæрзиуджытæй схорзæхджын кодта сæрмагонд æфсæддон операцийы архайджыты. Райгуырæн бæстæйы бартæ хъахъхъæныны рæстæг лæгдзинад æмæ хъæбатырдзинад равдисыны тыххæй «Ирыстоны сæраппонд»-ы майдантæй хорзæхгонд æрцыдысты гвардийы майор Къомайты Олег æмæ гвардийы лейтенант Ногъайты Сослан. Сергей Меняйло æфсæддонтæн арфæ ракодта сæ хæрзиуджыты тыххæй æмæ сын бузныг загъта Фыдыбæстæйæн удуæлдай лæггад кæй кæнынц, уый тыххæй.