Цæгат Ирыстоны разамонæг дзуæппытæ радта регионалон æмæ федералон журналистты фæрстытæн
Республикæйы Сæргълæууæг Сергей Меняйлойæн уыди æрвылазон пресс-конференци. Цæгат Ирыстоны разамонæг дзуæппытæ радта регионалон æмæ федералон журналистты фæрстытæн. Дзыллон информацион фæрæзты минæвæртты базонын фæндыди промышленносты, туризмы, ахуырады рæзты уавæр. Транспортон инфраструктурæйыл дзургæйæ, Сегрей Меняйло загъта, куыст кæй цæуы, цæмæй фæндæгтæ уæзласæн машинæтæй уæгъддæр уой, уый тыххæй. Дыууæ инвесторæй уал иу бавдыста йæ бизнес-пълан. Сæргълæууæг радзырдта Алагиры хъармгæнæн системæйы рацарæзты тыххæй. Цæттæ у фæлварæн проект. Документтæм гæсгæ кусæнгæрзтæ хъуамæ уыдаиккой фæсарæнтæй ласт, фæлæ ныртæккæйы уавæр хынцгæйæ, хъуыддагмæ хаст цæуы ивддзинæдтæ. Сергей Меняйло дзуапп радта, ома, йæ республикæйæ æндæр ранмæ ивынц, зæгъгæ, уыцы фарстæн дæр. Куыд загъта, афтæмæй Ирыстоны баззайдзæн цалынмæ размæ вæрд хæстæ æххæстгонд не рцæуой, уæдмæ.
