Оперативон уавæрыл дзургæйæ, куыд фæнысан кодтой, афтæмæй ивгъуыд къуыри уыди рæстæмбис
Республикæйы сæргълæууæг Сергей Меняйлойы разамындæй арæзт æрцыди ацы азы хатдзæгтæгæнæн аппаратон æмбырд. Оперативон уавæрыл дзургæйæ, куыд фæнысан кодтой, афтæмæй ивгъуыд къуыри уыди рæстæмбис. Специалисттæ ахуыссын кодтой 18 зынгсирвæзты. Цæрæнуæтты-коммуналон хæдзарады къабазы æрцыди 29 аварийы. Сæрмагонд службæтæ сæ аиуварс кодтой цыбыр æмгъуыдмæ. Фæндæгтыл æрцыди 127 фæндаггон фыдбылызы. Республикæйы территорийы, «Уæллаг Ларс»-ы арæнты сæрты ахизынмæ сæ радмæ æнхъæлмæ кæсынц 2 мины фæндзай уæзласæн машинæйы. Электрон рады дзы сты 1600 машинæйы. Барадхъахъхъæнæг оргæнтæ бæрæггæнæн мадзæлттæ скодтой 59 скъолайы. Цалдæр скъоламæ дзы бацыдысты дзæнгæрджытæ, ома дзы рæмудзæн æрмæг ис, зæгъгæ. Хъусынгæнинæгтæ уыдысты мæнг. Сергей Меняйло бадомдта аварион службæты куысты фæтк фæкарздæр кæнын. Уæлдайдæр та, бæрæгбæтты рæстæг. Хæдзæртты хъуамæ уа хъарм æнæ къуылымпытæй. Арæзт цæуынц пиротехникæ уæйгæнæн бынæттыл рейдтæ. Ног азы æхсæв пиротехникæйæ пайда кæныны цаутæм хъæуы æвæстиатæй цæстдарын. Æмбырды кæрон республикæйы сæргълæууæг бæрнон адæмæн радта бæлвырд хæстæ. Фæнысан кодта, ацы азы æвæрццæг хъуыддæгтæ. Се хсæн стадион «Спартак» эксплуатацийы кæй радтой, уый. Æмбырды кæрон Сергей Меняйло бузныг загъта йе мкусджытæн ахадгæ куысты тыххæй.
