Ахуырады системæйæн кадртæ цæттæ кæныны» программæйы фæлгæты æртыккаг аз куыст цæуы кълæсты раздзогты куыстæн ахадгæ мадзæлттыл
Республикæйы скъолаты арæзт æрцыди кълæсты раздзогты тренингтæ. «Ахуырады системæйæн кадртæ цæттæ кæныны» программæйы фæлгæты æртыккаг аз куыст цæуы кълæсты раздзогты куыстæн ахадгæ мадзæлттыл. Программæйы архайы 6-æм 11-æм кълæсты лидертæ республикæйы районтæй. Специалситтæ фæсивæдимæ æрныхас кодтой сывæллæттимæ куысты психологон-педагогон ахастдзинæдтыл, куысты фæтк пълан кæныныл, алыхуызон мадзæлттæ аразыны форматыл. Ацы аз треннинг баст уыди буллингы темæимæ.
Бæлвырддæр та – æмкъласонты хсæн ахастдзинæдтыл куыд ахады, уыимæ. Майы ма ацæудзæн ноджыдæр иу тренинг, уым кълæсты раздзогты бацæттæ кæндзысты сæрдыгон лагерты куыстмæ. Скъоладзаутæ райстой алы кары сабитимæ куысты практикон амынддзинæдтæ, базонгæ сты «Къласы хуыздæр раздзоджы» конкурсы фæткимæ. Уый та ацæудзæн апрелы. Уæ зæрдыл уын æй лæууын кæнæм, Цæгат Ирыстоны паддзахадон педагогон институт сси регионалон проект «Ахуырады системæйæн кадртæ цæттæ кæныны» координатор. Æххæстгонд та цæуы республикæйы Сæргълæууæг Битарты Вячеславы фæндонмæ гæсгæ.
