24 августа 2021, 13:34
Республикæйы сывæллæтты сфæлдыстады галуаны ацыдис акци «Сæмбырд кæн сывæллоны скъоламæ»
Арæзт æрцыди Уæрæсейы скъоладзауты змæлды регионалон хайады хъæппæрисæй
Республикæйы сывæллæтты сфæлдыстады галуаны 12-æм хатт ацыдис акци «Сæмбырд кæн сывæллоны скъоламæ». Арæзт æрцыди Уæрæсейы скъоладзауты змæлды регионалон хайады хъæппæрисæй. Цæгат Ирыстоны алы къуымтæй 88 бирæсывæллонджын æмæ фæкæсынхъуаг бинонтæ лæвар райстой хызынтæ, ис сын джы алцыдæр, скъоламæ бацæуынмæ æмæ ног ахуыры аз райдайынмæ. Уымæй уæлдай, акцийы архайджытæн фадат уыди скъоладзауы уæлæ æмæ къахыдарæс равзарынмæ. Скъоладзауты змæлдæн ахæм æххуыс бакодтой бынæттон амалхъом адæм. Зæрдиагæй сæххæст кодтой активистты курдиат.
темæмæ гæсгæ
