Профилон министр Тебиаты Сослан куыд загъта, афтæмæй ныртæккæ рынчыдон æнхъæлмæ кæсы туаггуыры системæйы документацимæ
Республикæйы тагъд æххуысы Клиникон рынчындон пациентты исын рвйдайдзæн 11-æм февралы фæстæ. Профилон министр Тебиаты Сослан куыд загъта, афтæмæй ныртæккæ рынчыдон æнхъæлмæ кæсы туаггуыры системæйы документацимæ. Сергей Меняйло бабар кодта, цæмæй медицинон куыстуат исын райдайа, низы рог хуыз кæмæ ис, уыцы рынчынты. Республикæйы разамонæг бадомдта, цæмæй фæфылдæр кæной тагъд æххуысы бригадæты нымæц дæр. Куыд загъта, афтæмæй адæм хъаст кæнынц, дохтырмæ сæ бирæ æнхъæлмæ кæсын кæй хъæуы, уымæй. Сергей Меняйло ма бабар кодта, цæмæй поликлиникæты дохтыртæ фæхуыздæр кæной рынчынтæм ахаст дæр. Æппæты сæйрагдæр та хъуамæ рынчынтæн аразой æмбæлгæ дзæбæхгæнæн мадзæлттæ æмæ æххæст уой хостæй – бахахх кодта республикæйы разамонæг.
