Уымæй дарддæр ма арæзт æрцæудзæн «Сыгъзæрин фонды» постановкæты телеверситы библиотекæ
Республикæйы театрты 2 спектаклы бацыдысты «Уæрæсейы театралон постановкæты сыгъзæрин фонд»-мæ. Хыгъдмæ хаст æрцыдысты, Тæбæхсæуты Балойы номыл паддзахадон академион ирон театры спектакль «Гæздæнтæ» – сæвæрдта йæ Уалыты Гиви, стæй Евгений Вахтанговы номыл академион уырыссаг театры спектакль «Маскарад» – йæ режиссер Хъæрджынты Изабеллæ. Æвзæрст цыдис 2 къæпхæнæй. Фыццаг куыстытæм æркастысты театралон архайджыты Цæдисы регионалон хайæдтæ. Уый фæстæ 300 спектаклæй экспертон жюри радих кодта проекты уæлахиздзауты. Æвзæрст куыстытæй арæзт æрцыд «Уæрæсейы театралон постановкæты сыгъзæрин фонд». Спектакльтæ бацæудзысты бæстæйы театралон архайджыты Цæдисы 150 азы бæрæг кæныны информацион кампанимæ æмæ парахатгонд уыдзысты медиапартнерты фæзты, стæй сын саккаг кæндзысты зæрдылдарæн сертификаттæ. Уымæй дарддæр ма арæзт æрцæудзæн «Сыгъзæрин фонды» постановкæты телеверситы библиотекæ.
