Уый тыххæй Сергей Меняйло фехъусын кодта Антитеррористон къамисы æмæ Оперативон штабы уæнгтимæ æмбырды
Республикæйы территорийы хъæуы æдасдзинады мадзæлттæ фæкарздæр кæнын. Уый тыххæй Сергей Меняйло фехъусын кодта Антитеррористон къамисы æмæ Оперативон штабы уæнгтимæ æмбырды. Архайдта ма дзы Уæрæсейы Президенты æххæстбарджын минæвары хæдивæг Цæгат Кавказы федералон зылды Максим Владимиров. Ныхас цыд санаторон-курортон æмæ дзæбæхгæнæн кампанитыл, фысымуæтты комплексы объекттыл. Уыдоны ныртæккæ сæ фæллад уадзынц Донецкы æмæ Луганскы Адæмон республикæтæй, Запорожьейы æмæ Хесроны облæсттæй, стæй Украинæйæ сывæллæттæ.
Иннæ ахсджиаг фарста – фæсивæды хсæн терроризмы хъуыдытæ парахат кæнын ма бауадзын. Ахуырады æмæ наукæйы министр Алыбекты Эллæ куыд радзырдта, афтæмæй нæ республикæйы ахуырады системæйы ахæм цаутæ нæ раиртæстой. Уый нæ хынцгæйæ, афæдзы райдианæй царды уадзынц уæлæмхасæн мадзæлттæ. Специалисттæ æппынæдзухдæр кæсынц уавæрмæ, аргъ кæнынц ахуыргæнинæгты психологон æнæниздзинадмæ. Уыимæ сын аразынц æмбæлгæ уавæртæ, быцæутæ не руадзыны тыххæй. Уымæй дарддæр ма архайынц хорз информацион тыгъдад аразыныл дæр.
