Мингай адæймæгтæ æртыгай кæрдзынтимæ цыдысты сыгъдæг къохмæ, цæмæй скувой нæлгоймæгты, хæстонты æмæ бæлццæтты аудæгмæ, æмæ дзы ракурой сабырдзинад, æнæниздзинад, фарн æмæ амонд
Хуыцаубоны республикæйы цæрджытæ сбæрæг кодтой ирон адæмы ахсджиагдæр бæрæгбæттæй иу – Хетæджы бон. Мингай адæймæгтæ æртыгай кæрдзынтимæ цыдысты сыгъдæг къохмæ, цæмæй скувой нæлгоймæгты, хæстонты æмæ бæлццæтты аудæгмæ, æмæ дзы ракурой сабырдзинад, æнæниздзинад, фарн æмæ амонд. Хетæджы къохы банкъарæн ис сыгъдæг удты тæваг. Бæрæгбон æрæмбырд кæны канд Цæгаты нæ, фæлæ ма Хуссар Ирыстоны цæрджыты дæр. Хетæджы сыгъдæг къох цымыдисаг у туристтæн дæр. Алы аз сæ нымæц чысыл нæ вæййы. Ацы хатт хистæртæ куывтой не мзæххонты тыххæй дæр, цæмæй сæрмагонд æфсæддон операцийæ дзæбæхæй æрыздæхой, уый тыххæй. Уæвгæ, кувæндонмæ адæм цæуынц рагæй. Уыцы традици æххæст кæнынц фæлтæрæй-фæлтæрмæ. Бæрæгбон та рагæй сси æппæтадæмон нæ бирæнацион республикæйы.
