Уæ зæрдыл уын æй лæууын кæнын, лини кусын райдыдта 19-æм майы
Республикæйы цæрджытæн æххуыс кæныны иумæйаг линимæ ныридæгæн бацыди дыууæ мин дзæнгæрæгæй фылдæр. Уæ зæрдыл уын æй лæууын кæнын, лини кусын райдыдта 19-æм майы. Æмæ йæм адæм активонæй дзурын райдыдтой, Битарты Вячеслав йæ инстаграмм-сыфыл хъусынгæнинаг куы равæрдта, уæд. Фарстатæ алыг кæныныл кусынц хицаудзинады æппæт оргæнтæ.
Ныртæккæ дзæнгæрджытыл архайынц сæрмагонд ведомствæйы. Суткæйы дæргъы кусынц 8 операторы. Фæлæ сын сæ нымæц хъавынц фæфылдæр кæнын. Комкоммæ телефонмæ дзурынц алы фарстаты фæдыл. Социалонæй райдай, æмæ медицинон æххуысæй фæуы. Уæвгæ, лини царды рауагътой пандемийæйы тыххæй, фæлæ æвæццæгæн йæ куыст адарддæр кæндзæн уый фæстæ дæр. Уый тыххæй фехъусын кодта республикæйы информацион технологиты æмæ бастдзинады управленийы разамонæг Сæлбиты Алан.
