Рынчынты нымæц фæфылдæр вæййы, отпускты æмæ сæрдыгон каникулты рæсгæ куы фæвæййы, уæд
Республикæйы цæттæ кæнынц гриппы æмæ æхснырсæджы сезонмæ. Рынчынты нымæц фæфылдæр вæййы, отпускты æмæ сæрдыгон каникулты рæсгæ куы фæвæййы, уæд. Уый та æрхауы сентябры фыццаг æртæ къуыримæ. Фæлхасадмæ цæстдарды управленийы специалисттæ скодтой ахуырадон семинар скъолаты æмæ рæвдауæндæтты разамонджытимæ. Æппæтæй ахсджиагдæр у – ахуыргæнæндæтты «райсомы мадзæлттæ» кæй хонынц, уыдон æххæст кæнын, цæмæй низы миниуджытæ цы сывæллæттæм раиртасой, уыдоны коллективæй иппæрд кæной, уый тыххæй. Цæмй инфекци ма парахат кæна. Ахуыргæнæндæтты разамонджытæ хъуамæ ахадгæ куыст кæной ныййарджытимæ дæр. Гриппы, ковиды кæнæ æхснырсæджы æууæлтæ кæмæ уа, уыдонмæ хъуамæ æнæмæнг æрбацæуа участоктыл кусæг дохтыр. Низ хъæуы дзæбæх кæнын. Специалисттæ ма стыр æргом аздæхтой ахуыргæнæндæтты кусджыты иммунизацимæ дæр. Уыцы куыст хъуамæ цæуа, профилактикон прививкæты национ къалиндармæ гæсгæ.
