20 мая 2020, 16:07
Республикæйы цæуы профилактикон мадзал «Фистæгæйцæуæг»
Фæндæгтыл æдасæй цæуыны паддзахадон инспекцийы кусджытæ фæкарздæр кодтой сæ куыст
Республикæйы цæуы профилактикон мадзал «Фистæгæйцæуæг». Фæндæгтыл æдасæй цæуыны паддзахадон инспекцийы кусджытæ фæкарздæр кодтой сæ куыст. Ныртæккæ кусынц, фистæгæйцæуджытæ кæм фæархайынц, ахæм фæндаггон фыдбылызтæ фæкъаддæр кæныныл.
Профилактикон рейдты рæстæг инспектортæ фылдæр æргом здахынц, кæм не мбæлы, уыцы рæтты фæндаджы сæрты чи хизы, ахæм закъонхалджытæм. Æфхæрынц фæндаггоны æмбæлгæ ран фæндаджы сæрты ахизынæн бар чи нæ радты, уыцы шофырты. Ацы бонты инспектортæ се службæ æххæст кæндзысты, горæты æппæты фылдæр змæлд кæм ис, ахæм тигътыл.