Уый у традицион мадзал æмæ йæ бацæттæ кæны Уæрæсейы коммунистон парти
Республикæйы цæуынц «Пушкины бонтæ Цæгат Кавказы». Уый у традицион мадзал æмæ йæ бацæттæ кæны Уæрæсейы коммунистон парти. Алы аз дæр арæзт æрцæуы Цæгат Кавказы федералон зылды регионты, баст вæййы уырыссаг æвзаджы бонимæ. Фæстаг хатт Дзæуджыхъæуы уыди пандемийæйы размæ. Ацы аз республикæмæ ссыдысты паддзахадон Думæйы депутаттæ, партийы хайæдты минæвæрттæ алы регионтæй. Уазджытæн бантыст Цæгат Ирыстоны рæсугъддæр кæмттæ бабæрæг кæнын. Театралон фæзы ацыд стыр бæрæгбон. Равæрдтой дзы цæгат-кавказаг республикæты стендтæ, бæрæгбон саив кодтой национ ансамбльтæ, фадат дзы уыди национ хæринæгтæй ацаходынæн. Коммунистон партийы минæвæрттæ кадджын уавæры партион билеттæ радтой сæ ног æмкусджытæн, активисттæ райстой хæрзиуджытæ. Фæстæдæр сын уыди семинар-æмбырд, æрныхас дзы кодтой социалон-экономикон рæзтыл, стæй Парламентмæ хæстæгдæр æвзæрстытыл. Ацæудзысты цалдæр регионы, уыимæ Цæгат Ирыстоны дæр.
