25 октября 2019, 17:00
Республикæйы Уæлдæр тæрхондон дыккаг хатт æркæсынмæ арвыста Кучиты Людмилæйы хъуыддаг
Республикæйы Уæлдæр тæрхондон дыккаг хатт æркæсынмæ арвыста Цæгат Ирыстоны паддзахадон педагогон институты ректор Кучиты Людмилæйы хъуыддаг.
Уæ зæрдыл уын æрлæууын кæндзыстæм, раздæр ын Ленины районы тæрхондон рахаста, дыууæ азы дзыпдæй фæбадыны тæрхон. Азымджын æй кодтой, йæ бартæй, цас æмбæлы, уымæй фылдæр кæй пайда кæнынæй, стæй бюджетон æмæ æнæбюджетон фæрæзтæ адавынæй. Ома Кучиты Людмилæ йæхицæн æнæзакъонæй фыста уæлæмхасæн фæрæзтæ. Ахуыргæнæндоны разамонæджы адвокаттæ куыд зæгъынц, афтæмæй та ректор архайдта барадон акттæм гæсгæ. Кучиты Людмилæ йæ тæрхоныл не сразы. Ныртæккæ йын йæ хъуыддагмæ æркæсдзæн Ленины районы тæрхонгæнджыты ног коллеги.
