Йæ кандидатурæйыл иузæрдионæй схъæлæс кодтой организацийы хатдзæгтæгæнæн-æвзарæн конференцийы
Республикæйы ветеранты советы сæрдарæй та æвзæрст æрцыд Фриаты Хъазыбег. Йæ кандидатурæйыл иузæрдионæй схъæлæс кодтой организацийы хатдзæгтæгæнæн-æвзарæн конференцийы. Мадзалы архайдта Цæгат Ирыстоны сæргълæууæг Сергей Меняйло. Уый раарфæ кодта ветерантæн, йæ зæрдæ сын загъта бирæ азты ма æнæнизæй куыд цæрой. Республикæйы разамонæджы ныхæстæм гæсгæ, Советы уæнгтæ стыр æвæрæн хæссынц рæзгæ фæлтæры хъомыладмæ. Фриаты Хъазыбег раныхас кодта фæстаг 5 азы архайды хатдзæгтимæ докладимæ. Куыд загъта, афтæмæй ветеранты республикон Советы архайды сæйрагдæр къабæзтæй иу у, хæсты æмæ фæллойы инвалидтæн æмæ архайджытæн, Ленинграды блокадæйы æмæ концлагерьты уацары чи уыд, уыдонæн социалон æххуыс æмæ барадон хъахъхъæнынад æххæст кæнын. Стыр æргом здахынц фæсивæды хъомылады фарстатæм, æмæ ууыл куыст цæудзæн дарддæр дæр.
