Уыдзысты 12-æй 15-æм февральмæ спорты галуан «Манеж»-ы
Республикæйы юниорты иугонд командæ уæгъдибар хъæбысхæстæй цæттæ кæны, Уæрæсейы фыццаг бынат бацахсыны ерыстæм. Уыдзысты 12-æй 15-æм февральмæ спорты галуан «Манеж»-ы. Турнир арæзт цæуы федералон программæ «Уæрæсейы спорт» æххæстгæнгæйæ. Ссардзысты дзы легендарон хъæбысæйхæцæг, дунейы чемпион, Советон Цæдисы спорты сгуыхт мастер Бестауты Алымбеджы ном. Цæгатирыстойнаг хъæбысхæцæйджытæ куыд цæттæ кæнынц, уый тыххæй радзурдзæн Хъайтмазты Дзерассæ.
Хъæбысхæцджыты фæсивæдон къæлиндары æппæтæй кадджындæр турниртæй иуы райдианмæ баззад къуырийæ къаддæр. Ныртæккæ юниортæн у цæттæдзинады кæронбæттæн къæпхæн 21 азы онг спортсменты хсæн Уæрæсейы фыццаг бынат бацахсыны ерыстæм. Командæйы тренер Кочиты Виталий куыд зæгъы, афтæмæй æмбырдты рæстæгмæ лæппутæ бæстонæй бакуыстой. Ныр сæйраг нысан у турнирмæ æнæ цæфтæй бацæуын.
Уæрæсейаг ерысты æнхъæлмæ кæсынц бæрзонд ерысхъомдзинадмæ. Национ турниры майдантæ райсыныл тох кæндзысты 350 архайæгæй фылдæр бæстæйы дæсгай регионтæй. Цæгат Ирыстоны командæйы уыдзæн 20 хуыздæр хъæбысхæцæгæй фылдæр. Тренерты штабы ныхæстæм гæсгæ, фæндты ис хæрзиуджыты æппæт комплекттæ рамбулыныл тох кæнын.
Æмбырдтæ цæуынц Цæгат Ирыстоны спортивон цæттæдзинады центры бындурыл. Ам атлеттæн ис, нырыккон стандарттæн дзуапп чи дæтты, æппæт ахæм уавæртæ. Республикæйы физкультурæ æмæ спорты министр куыд зæгъы, афтæмæй юниортæн ис цæттæдзинады æнæхъæн цикл. Паддзахадон æххуыс æрыгон курдиаттæн дæтты, сæ размæ æвæрд нысантæм æнæ къуылымпыйæ цæуыны фадат.
21 азы онг спортсменты хсæн Уæрæсейы фыццаг бынат бацахсыны ерыстæ уыдзысты Дзæуджыхъæуы Спорты галуан «Манеж»-ы. Райдайдзысты 12-æм февралы. Суыдзысты Европæйы æмæ Дунейы ерыстæм æвзæрстытæ. Турнир ацæудзæн федералон программæ «Уæрæсейы спорт» æххæстгæнгæйæ. Ис ын сæрмагонд нысаниуæг. Ссардзысты дзы легендарон хъæбысхæцæг, дунейы чемпион, Советон Цæдисы спорты сгуыхт мастер Бестауты Алымбеджы ном.
