Домæнтæ куыд æххæстгонд цæуынц, уый базоныны тыххæй объекттæ бабæрæг кодтой фæлхасадмæ цæстдарды цæгатирыстойнаг управленийы специалисттæ æмæ мидхъуыддæгты министрады кусджытæ
Республикæйы зын эпидемиологон уавæр кæй сæвзæрд, уый тыххæй рæстæгмæ бауырæдтой сывæллæтты ирхæфсæн центрты куыст. Домæнтæ куыд æххæстгонд цæуынц, уый базоныны тыххæй объекттæ бабæрæг кодтой фæлхасадмæ цæстдарды цæгатирыстойнаг управленийы специалисттæ æмæ мидхъуыддæгты министрады кусджытæ. Ведомствоты хсæн радон рейд скæнгæйæ, рабæрæг кодтой фæткхалджыты. Цалдæр объекты дарддæр суазæг кæнынц сывæллæтты. Фæлхасадмæ цæстдарды управленийы минæвæртты ныхæстæм гæсгæ, ирхæфсæн зонæтæ æхгæд æрцыдысты сæрмагонд уагæвæрды онг. Дарддæр куы кусой, уæд сæ разамонджытæ æфхæрд баййафдзысты административон æгъдауæй.
