Баст уыд, службæйыл 105 азы кæй сæххæст, уыимæ
Республикон архивы райрæзты сæйраг къæпхæнтыл æрдзырдтой сæрмагонд æмбырды. Баст уыд, службæйыл 105 азы кæй сæххæст, уыимæ. Мадзал бабæрæг кодтой хицаудзинады оргæнты, наукон æмæ сфæлдыстадон интеллигенцийы, дины минæвæрттæ, стæй къабазы ветерантæ. Цæгатирыстойнаг архивы кусджытæн раарфæ кæнынмæ æрбацыдысты се мкусджытæ Цæгат Кавказы федералон зылды регионтæй, æмæ Хуссар Ирыстонæй. Фембæлды куыд загътой, афтæмæй алы субъектты специалисттæ æнгом æмархайд кæнынц. Республикæйы архивисттæн саккаг кодтой паддзахадон хæрзиуджытæ. Радтой сын Парламенты æмæ республикæйы кады гæххæттытæ, стæй бузныджы фыстæджытæ. Æмбырдмæ бацæттæ кодтой докладтæ архивон службæйы историйы темæмæ гæсгæ. Дзырдтой, историон намыс æмæ культурон хæзнатæ бахъахъхъæныны риссаг фарстатыл нырыккон уавæрты. Байгом кодтой равдыст дæр. Хаст æм æрцыдысты, къабазæн бындур æвæрыныл чи архайдта, уыцы адæмы æмæ цауты тыххæй æрмæджытæ.
