13 ноября 2024, 10:41
Республикон библиотекæйы кад кодтой 7-æм сфæлдыстадон конкурс «Ирыстон мæ зæрдæйы» уæлахиздзаутæн æмæ лауреаттæн
Архайдтой дзы мин скъоладзауæй фылдæр республикæйы æппæт районтæй
Гæздæнты Гайтойы номыл сывæллæтты республикон библиотекæйы кад кодтой 7-æм сфæлдыстадон конкурс «Ирыстон мæ зæрдæйы» уæлахиздзаутæн æмæ лауреаттæн. Архайдтой дзы мин скъоладзауæй фылдæр республикæйы æппæт районтæй. Уыдон æм бацæттæ кодтой сæхи фыст æмдзæвгæтæ ирон æмæ уырыссаг æвзагыл. Уымæй дарддæр ма конкурсы аргъ скæнæн уыд эссе æмæ нывтæн дæр. Алы куыст дæр дзурæг уыд райгуырæн бæстæмæ æмæ мадæлон æвзагмæ уарзондзинадыл. Конкурс арæзт æрцæуы Паддзахадон Думæйы депутат Мæхъиты Зурабы хæрзаудæн фонды хъæппæрисæй. Йæ нысан у ирон æвзаг парахат кæныны мадзæлттыл кусын. Ацы хатт конкурс сбастой Хетæгкаты Къостайы райгуырды 165 азы бонимæ.
темæмæ гæсгæ
