филиал вгтрк государственная телерадиовещательная компания “Алания”

Æппæтуæрæсеон æхсæнадон фронты активисттæ æмæ фæсивæдон къорд, стæй æхсæнадон организаци «бирæсывæллонджын бинонты иугонд» сарæзтой хæрзаудæн акции «Ног азы диссаг». Республикон клиникон рынчындоны пациенттæн скодтой бæрæгбоны лæвæрдтæ. Уимæ сын бацæттæ кодтой хъæлдзæг равдыст, сыгътой заз бæласы цырæгътæ. Æхсæнадон организациты минæвæрттæ сывæллæттимæ иумæ хъазыдысты, цыдысты зазбæласы алыварс. Сывæллæттæ та сын дзырдтой æмдзæвгæтæ,  стæй ног азы диссæгтæ. Митын Дада æмæ Митæ та сын радтой лæвæрдтæ. Ахæм хуызы акции арæзт цæуы 4-æм хатт. Уый размæ ма Адæмон фронты минæвæрттæ бабæрæг кодтой æххуысхъуаг æмæ бирæсывæллонджын бинонты.