Уымæй уæлдай, хуыздæрыл нымад æрцыди номинаци «Афæдзы хуыздæр хъомылгæнæджы» дæр
Республикон конкурс «Афæдзы педагог»-ы уæлахиздзау сси Цæгат Ирыстоны педагогон колледжы директор Анжелика Вареница. Уымæй уæлдай, хуыздæрыл нымад æрцыди номинаци «Афæдзы хуыздæр хъомылгæнæджы» дæр. Анжелика Вареница хорзæхгонд æрцыди кады нысанæй æмæ æхцайы призæй. Радтой йын иу милуан сомы. Конкурсы уæлахиздзауты æмæ призерты схорзæхджын кодта республикæйы сæргълæууæг Сергей Меняйло. Ацы аз «Афæдзы педагог» сæмбырд кодта 214 архайæджы æппæт республикæйæ. Конкурс цыди 10 алыхуызон номинацимæ гæсгæ. Алы номинацийы уæлахиздзау дæр райста 200 мин сомы, призты иумæйаг фонд та уыди 4 милуан сомы. Сергей Меняйло загъта, ахуыргæнджытæ цардмæ цы æвæрæн хæссынц, уый æгæрон у. Банымайæн сæ ис регион йæ ныфс кæуыл дыры, цæрджыты уыцы хайыл.
