15 мая 2025, 10:38
Республикон конкурс «Иры фидæн» та ногæй байгом кодта йæ дуæрттæ
Конкурс Ирыстоны цæрджытæн сси уарзон
Мадæлон æвзаг. Республикон конкурс «Иры фидæн» та ногæй байгом кодта йæ дуæрттæ. Конкурс Ирыстоны цæрджытæн сси уарзон. Архайынц дзы скъолайы агъоммæйы ахуыргæнæндæтты хъомылгæнинæгтæ – ацы хатт 144 сывæллоны. Рæвдауæндæтты дзыхæй-дзургæ адæмон сфæлдыстады театрализацигонд постановкæтæ æвæрын райдыдтой рагагъоммæ. Декорацитæ, костюмтæ, музыкалон номертæ – рæзгæ фæлтæр, раст цыма æцæг артисттæ сты, сæхи афтæ æнкъарынц. Æдæппæтæй «Иры фидæн»-ы архайдта республикæйы æппæт районтæй 21 рæвдауæндоны.
