филиал вгтрк государственная телерадиовещательная компания “Алания”

Республикон наркологон диспансеры хыгъды æрмæст Дзæуджыхъæуы цæрджытæй ис 2 мин адæймаджы. Уыдонæй 460 сты диагноз наркомани æвæрд кæмæн æрцыд, ахæмтæ. 

Ацы статистикон бæрæггæнæнтæ фехъусын кодтой Дзæуджыхъæуы администрацийы наркотикты ныхмæ къамисы æмбырды. Амыдта йæ горæты администрацийы сæргълæууæг Дзантиаты Сергей. Æмбырды æрдзырдтой наркоманийы профилакийы мадзæлттыл дæр. Ныхас ма цыд, скъолаты цы тесттæ арæзт æрцæуынц, наркоманты рабæрæг кæнынæн, уыдоны тыххæй дæр. Къамисы уæнгтæ куыд фæнысан кодтой, афтæмæй уыдоны бæрæггæнæнтæм гæсгæ наркотиктæй чи пайда ахæм ахуырдзаутæ горæты скъолаты нæ рабæрæг. Дзантиаты Сергейы хъуыдымæ гæсгæ, ацы тесттæ кæнын хъуамæ скъоладзауты фæндонмæ гæсгæ ма уа, фæлæ йæ кæной се ппæт ахуырдзаутæ дæр æнæмæнг. Республикæйы наркотикты ныхмæ къамисы секретарь Сергей Симонянц адæмы размæ рахаста фæндон, республикæйы кæй хъуамæ фæзына сæрмагонд аппарат. Уый руаджы адæймаг наркотиктæй пайда кæны æви нæ, уый сбæрæг кæнæн ис æрмæст йæ дзыккуйы хаймæ гæсгæ. Рæстæг куы рацæуа, кæнæ æндæр хостæй куы пайда кæна, афтæмæй дæр.