04 июля 2014, 11:27
Республикон наркологон диспансеры хыгъды ис 3 мин адæймаджы бæрц
Фæлæ æнæофициалон бæрæггæнæнтæм гæсгæ, наркотиктæй чи пайда кæны, уыдоны нымæц у 10 хатты фылдæр. Уый тыххæй ныхас цыд Цæгат Ирыстоны Æхсæнадон палатæйы æмбырды.
Фæлæ æнæофициалон бæрæггæнæнтæм гæсгæ, наркотиктæй чи пайда кæны, уыдоны нымæц у 10 хатты фылдæр. Уый тыххæй ныхас цыд Цæгат Ирыстоны Æхсæнадон палатæйы æмбырды. Архайдтой дзы Парламенты, министрадты æмæ ведомствæты, æхсæнадон организациты минæвæрттæ. Доклад бацæттæ кодта фæсивæдон политикæйы, туризмы, физкультурæйы æмæ спорты рæзты къамисы сæрдары хæдивæг Хъантемыраты Олег. Куыд бафиппайдта, афтæмæй республикæйы наркотиктæй пайда кæнын райдыдта фылдæр фæсивæд. Фембæлды архайджыты хъуыдымæ гæсгæ, ацы хъуыддагыл хъæуы ахадгæдæрæй кусын. Æмбырды хатдзæгтæм гæсгæ республикæйы сæргълæууæгмæ æрвыст æрцæудзæн курдиат наркотикты ныхмæ тох кæныны мадзæлттæ фæкарздæр кæныны тыххæй.
темæмæ гæсгæ
