Алексей Екатеринбурджы исы Хетæгкаты Къостайы æмдзæвгæты мотивтæм гæсгæ киноныв
Фыдæлты уæзæгмæ балц. Уæрæсейы аивæдты сгуыхт архайæг, режиссер-аниматор Хъараты Алексей дард скæсæнæй ссыды йæ историон фыдыуæзæгмæ. Ирыстоны ис фыццаг хатт. Æрыгон нывгæнджытæн скодта дæсныйадæвдисæг ахуыртæ. Йæхæдæг та активонæй архайы ирон культурæ æмæ цардыуаг базоныныл. Мультипликаторимæ фембæлд Сæлбиты Маринæ, æмæ йын ныхасы бар.
Хъараты Алексей у режиссер-мультипликатор, Свердловы киноиндустрийы анимацион иугонды раззагдæр дæснытæй иу. Зындгонд у, ахæм куыстытæй куыд «Добро пожаловать!», «Жильцы старого дома». Алексей Цæгат Ирыстонмæ ссыди, цæмæй бынæттон цæрджытæн равдиса, мультипликацион кинонывтæ куыд исгæ сты, уый. Мультипликаторы куыстытæ фенынмæ æрæмбырд сты æвзонг журналистты скъола «Эрасик»-ы ахуыргæнинæгтæ, æмæ Цæгат Ирыстоны паддзахадон университеты студенттæ.
Хъараты Алексейы фыды фыд Алыксандр мин фараст сæдæ цыппæтæрæм азы каст фæци Дзæуджыхъæуы æфсæнвæндаджы училищæ. Фæлæ йæ зæрдæйы рагон фæндон та уыди денджызон суæвын, æмæ араст ис Владивостокмæ. Уым ахуыр кæнынмæ бацыди профилон училищæмæ. Камчаткæйы æмæ Цæгат-Скæсæн Сыбыры былгæрæтты ленк кæнгæйæ, Хъараты Алыксандр базонгæ ис ацы гыццыл иртæст, фæлæ уыцы иу рæстæг хъæздыг бынæттимæ, æмæ йæ бафæндыди ам йæхи хъуыддаг байгом кæнын. Уый тыххæй куыстмæ раздæхта йе фсымæр Федоры æмæ йæ хæрæфырт Моисейы æргом дæр. мин фараст сæдæ нудæсæм азы иумæ бакуыстой киноныв «Хъараты æфсымæртыл». Фæстæдæр Алыксандры куыст æнгом баст уыди Цæгат æмæ Дард Скæсæны райрæзтимæ, стæй уырыссыг-япойнаг, уæрæсейаг-китайаг æмæ уæрæсейаг америкаг ахастдзинæдтимæ.
Алексей Екатеринбурджы исы Хетæгкаты Къостайы æмдзæвгæты мотивтæм гæсгæ киноныв. Куыд зæгъы, афтæмæй ам Къостайы райгуырæн бынæтты хуыздæр базонæн ис поэты цардвæндаджы æмæ сфæлдыстады тыххæй лыстæг хъуыддæгтæ.
