Се ппæт дæр баст сты адæмы бартæ фенцондæр кæнынимæ, цæрæнуæттæ формæйыл скæныны хъуыддаджы
Цæгат Ирыстоны Росреестры управленийы радзырдтой зæххы хæйтты æмæ исбонады къабазы ног закъонадон проекты тыххæй. Се ппæт дæр баст сты адæмы бартæ фенцондæр кæнынимæ, цæрæнуæттæ формæйыл скæныны хъуыддаджы. Лæггæдты номхыгъдимæ бæстонæй базонгæ уæвæн ис ведомствæйы сайты. Афтæ адæм кæмæй пайда кæнынц, уыцы хæдзæрттæ ныр нал хъæудзæн сæрмагонд бардæттæг гæххæт йæ арæзтадæн æмæ эксплуатацийæн. Фæлæ хъуамæ йæ хицаумæ уа зæххы хайæн бартæ. Ахæм кæмæ нæй, уыдоны бон та уыдзæн фыццæгæм сентябрæй лæвар райсын зæхх, стæй æрæзтад йæхиуыл ныффыссын, сæрмагонд уавæртæ хынцæгæйæ. Уый тыххæй хъæуы бавдисын документ, кæцыйы бæрæг уыдзæн коммуналон хызтæм техникон бастдзинад, кæнæ лæггæдтыл фыст кæй цыд, уыимæ техникон паспорт, кæцы конд æрцыд 2013-æм азы фыццæгæм 1 январы онг, хæдзар та хъуамæ арæзт уа 1998-æм азы 14 маймæ.
Фæхуымæтæгдæр кодтой, объекты бындурон арæзтадæн бар райсынæн регистраци скæныны процесс дæр. Ныр, аразæджы бæсты уый бакæндзæн хицаудзинады оргæнты æххæстбарджын минæвар кадастрон хыгъды тыххæй курдиатимæ уыцы иу рæстæг. 1-æм июлæй фæстæмæ, муниципалон æмæ регионалон хицаудзинад хъуамæ росреестры управленимæ радта бирæфатерон хæдзæрттæ кæлæддзæгтыл банымайыны бæрæггæнæнтæ.
