Республикæйы сæргълæууæг Битарты Вячеслав фембæлд банчы минæвæрттимæ, сæ сæргъы правленийы фыццаг хæдивæг Ирина Жачкина. Уый бацамыдта «Россельхозбанкæн» Стъарапъолы цы филиал ис, уый разамонæг Зойæ Тихомировайы.
«Россельхозбанк» цæттæ у Цæгат Ирыстоны хъæууон хæдзарады куысджытæн æххуыс кæнынмæ.
Республикæйы сæргълæууæг Битарты Вячеслав фембæлд банчы минæвæрттимæ, сæ сæргъы правленийы фыццаг хæдивæг Ирина Жачкина. Уый бацамыдта «Россельхозбанкæн» Стъарапъолы цы филиал ис, уый разамонæг Зойæ Тихомировайы. Уый дзуапп дæтты банчы архайдæн Цæгат Кавказы, уыимæ Цæгат Ирыстоны дæр.
Æмбырды архайдта нæ республикæйы хицауады сæрдары хæдивæг Сæбæтхъуаты Æхсарбег.
Фембæлды рæстæг ныхас цыд банк æмæ нæ республикæйы æмгуыстады фарстатыл, агропромышленнон къабазы инвестицион проекттæ царды рауадзыныл, стæй хъæууон хæдзарады кусджытæн кредит льгототы фæрцы цы хуызы ис, ууыл.
Битарты Вячеслав фæнысан кодта нæ республикæйы цæрджытæн ацы банчы райрæзт куыд ахсджиаг у, уый. Абоны бонмæ банчы хыгъды ис 2 мин организацийæ фылдæр. Афæдзы райдианæй 40 компанийы райсдзысты кредиттæ 260 милуан сомæй фылдæрæн. Æркæсдзысты ма 12 курдиатмæ, сæ иумæйаг бæрц у 48 милуан сомы.
