Проекты сæйраг нысан у – национ традицитæ ног кæнын æмæ сæ хъахъхъæнын
Ростовы арæзт æрцыд аивæдты 21-æм æппæтадæмон фестиваль «Мир Кавказу». Проекты сæйраг нысан у – национ традицитæ ног кæнын æмæ сæ хъахъхъæнын. Форумы архайдтой 14 регионы минæвæрттæ, се хсæн нæ республикæ дæр. Цæгат Ирыстоны делегацийы сæргъы уыд культурæйы министры хæдивæг Хъуыссæты Зæлинæ. Делегацийы хыгъды ма уыдысты Дзанайты Азанбеджы номыл аивадон уыилищæйы педагогтæ æмæ Паддзахадон филармонийы адæмон инструментты оркестр. Ацы аз фестивалы программæ фæуæрæхдæр кодтой. Бахастой ма йæм æрмдæсныйады равдыст, гала-концерт, музейты комплекстæм æмæ библиотекæтæм балцытæ. Фестиваль æххæст кæнгæйæ ма бацæттæ кодтой, Абойты Зауырбеджы номыл æрыгон нывгæнджыты республикон конкурсы лауреат скульптор Черчесты Таймуразы куыстыты равдыст. Ацы аз ма фестивалы организацион комитетмæ хаст æрцыд Мариинаг театры аивадон разамонæг æмæ генералон директор Гергиты Валерий.
